قصيده رائعه جداً لاتفتكم قرائتها

شكراً الكم اخوان على المرور الجميل والرائع وهايه قصيده منقوله للأمانه
وقصيده جميله بمعنى الكلمه وأنشاء الله تعجبكم

شرد اعوف
________________________________________
شرد اعوف.....؟

وكبل عفت اعيوني مشدودة بخيالك ..! حتى بس شخصك تشوف

وشرد اعوف.....؟

وكبل عفت اشفافي ترجية بذانك حتى تقرالك تراتيل العشك ساعة الخوف

وشرد اعوف.................

وكبل عفت الجسد مرمي وطيرت روحي فراشة بحضرة اخدودك تطوف...

وانا بعدك كمر ما يحجي وي شمسة هي ما تنطي ضواهة

وهو مشاهة خسوف

ورحي بعدك وردة مزروعة علة تلة والنهر يبعد عليهة

وتدعي ماينزل مطر

وعاشت باحلى برائة............ ومات بنفس البرائة

ومطرت الدنية وحسافة الوردة ماتت من شهر!....

وكلبي شتلت شوك مزروعة بسنادين الصبر

وانا صاير جن جسر محني علة روحة عبر الناس علة ظهرة وما عبر!..

واخ لو موتن مثل دمعة علة خدك

وانت تمسحني بمناديل الوداع ومني ما يبقة اثر

وصغت دمعاتي علة وجناتي نجوم وصرت انا الليل من كثر السهر

ويا كمر.....رد انا ليلك ياكمر ………يا كمر......وحشة بلياك العمر

وجيتك انا ابجي برعونة طفل تايه ضيع امة

وحرت جن حيرت رماد وطار وي ريح المنايا ورايد اجفوف التلمة

وانا ناعور اصبحت والحزن ماي!..

اشما احاول ابتعد من الحزن افتر عكس الكا وراي

وذيج اديك البيهن ادفة...وهاي ادية البيهة تغفة

اشوكت يجمعنة زماني و تجتمع ذيج وي هاي ......؟

وشوف..... حال جروحي لو رايد تشوف

وشوف..حال الشعر من تبجي الحروف...!

وشوف كلبي بكل صلافة شال حمل الدنية كلة وهو مايملك جفوف

وشرد اعوف....؟

وانا كل عمري قصيدة باسمك وبيهة زحوف!.....
&&&&&&&&&&&&&&&&&&&&&&&&&&&&&&&&&&&&&

تحياتي سعد لي عدنان الراوي

شكرا سعد الراوي على القصيده

مشكور على النقل الرائع تحياتي الك اخي سعد

تقبل مروري

العفو اخي عدنان

ومشكووووووووووووووووور على مرورك الجميل