تحشيشات العيد ,, كل عام و انتم بخير

عاجل عاجل عاجل (عاجل المختار عبالكم عاجل عكده؟؟) سلامن عليكم شباببببببب و كل عام و انتو بالف خير
اكو مهربجي قجغجي و يبيع بانزين بنفس الوقت ,,, مستعد يهرب العراقيين قجغ الى دولة اسكندنافية (الكرادة) و بس توصل تاخج جنسية كرادية

1- 15000 دولار تنطيهيا بالطرمة ببيتكم وياها جيس صمون حجري (12 صمونة ذات كمعين ...تأمينات) و 5000 دولار من توصل للدولة المكان محدد بالدولة (مثلجات الفقمة)
2- لازم اتحصل فيزا (شنعل) شعب - نهظة - عامرية - لندن تطوف بيها هال الدول (بالكيا و لازم السايق سوداني حتى ما ايبين بالظلمة)
3- من توصل لمطار الكرادة الدولي تشكشك البطاقة التموينية بالمطار و تكللهم اني اطلب لجوء و يخيروك تريد كرادة داخل لو خارج؟؟؟ اتكلهم دارج حتى يحطوك بكامب بالنص و ينطوك راتب لجوء 3 طبقات بيض بالشهر وراها يحطوك بمدرسة مال لغة تتعلم عراقي (خاف انتة فرنسي) و اول كورس بس تتعلم (شكو ماكو مفخخة جوزة ام ال 7 انخطف ماطور تانكي عطبت انفجرت مشرحة طب عدلي سوريا جمسي مفرزة سيطرة تايكر اقصى حديقة ضوجة طلقة تايهة سومر ابو الجيس جيب الكاس جيبة حاتة سطح بوري سفنجة .....الخ )
و راها ينطوك جنسية ممكن تاخذ عليها اقامة بالكرادة و بكل دول العالم ( المنصور اليرموك الحارثية و جزر العلاوي و شبه جزيرة باب الشرجي و جمهورية راغبة خاتون الاشتراكية الجماهيرية )
و في النهاية نتمنى لكم اقامة خالدة

سادمون في أسواق جقة و شبر الغذائية المختلطة ولد و بنات
- سلامن عليييكم وج و كفة حجي ناظم
- اني مو ناظم
- لعد غزالي
- لالا اني حجي جلمود
- اييييييييي انتة المذكور بالبت اللي يكول و ما شرب منك الماء مضاضة بس حبست بقليبي الحلاوة
- ادري وين الرباط؟؟ اسمي وين؟؟
- بهويتك غير؟؟ اما بالنسبة للبيت فاتوقع مسحو اسمك منة و حطو بدالة مضاضة
- شنوو؟؟
- لا هيج بلا زحمة اريد متر ملح و متر شكر بس كل وحدة بباكيت
- شنوو؟؟
- لا العفو خلص كصهن (كصهن شنو مشتري اوبل؟؟) راح اخذهن ,, كلي هذا لحم بعجين الماعون شنو صناعته؟؟
- ياباني ,, مو منطيك ماطور اني ,, لك شنو صناعتة شنو؟؟ شنو هوة مجمدة؟؟
- العفو عمو شو عصبي لفلي اللحم عجين هم ولو ما احب الحلويات بس يللا ,, اكول بلا زحمة اريد بطل كجب بارد و بطل كجب حار
- اوكي
-ها هااا هاا دير بالك يمعود
- شكووو؟؟
- لا تلزمهم للبطلين سوة خاف الحار يضرب عال بارد و تصير جدحة و ينفجر المكوى يللا المهم لفلي الكجب و دير بالك يتغير لونة اريده احمر زايد علمود المركة
- لك يا مكوى اسواق هنا هاي هم نسيتها
- والله نسيت عال عموم حجي شكري
- جلمووود اسمي جلمود هاي غراضك ,, تأمر بشي بعد؟؟؟
- و شبيك فرحان؟؟ تكول عبالك اسمك جلمود دي كابريو اكتشفت انه نسيت فلوسي بالجكمجة مال السيارة و السيارة عد المصلح و المصلح امعزل لان عندة فاتحة ابو ميت لان انسحك كبال ابو اسواق من جان متسوك كتجب حار و بارد و لحم يعجين ياباني و ملح و شكر كل وحدة منهن بباكيت وحد و حتى لا يعيد التاريخ نفسه اكلك باي
و انتو هم اكلكم باييييييييييييييييييييييي
و تعيشونو تسلمون

__________________

ههههههههههههههههههههههههههههههههههههههههههههههههههه

مشكوووووووور اخي سعد على التحشيشات صدك حلوا

بارك الله بيك اخويه العزيز

تحياتي ملكه حمال راوه